అన్నీ ఆర్థిక బంధాలే : - ఆచార్య అయ్యలసోమయాజుల ప్రసాద్.(పుష్యమి)-సెయింట్ లూయిస్ -అమెరికా

 

పెదవుల మీద వచ్చే మాటలు 
హృదయంలోంచి గాక అనురాగ ఆప్యాయతలు మరచి 
శరీరం శాశ్వతమని ధన సంపాదనే ధ్యేయంగా 
భగవత్ప్రసాదిత మానవజీవితపు
బంధాలన్ని ఆర్థిక బంధాలని
డబ్బే జీవిత పరమార్థమని నేటి సమాజంలో
యుక్త విచక్షణ మరచి సమాజాన్ని 
తోడబుట్టిన వారిని చివరకు జన్మకు కారణమైన 
జననీ జనకులను  లెక్కచేయక 
ప్రవర్తిస్తున్న ఓ మనిషీ మరువకు 
జాతస్యహి ధ్రువో మృత్యు: అన్నది 
నైతిక విలువలను మరచి 
అక్రమ సంపాదనతో 
నీ మనుగడకు నీవే అవరోధమని తెలుసుకు 
సమాజాన చిరునవ్వుతో ప్రేమతో మెలిగిన 
జీవితం సాఫల్యత చెందు 
జీవించుటకు ధనం అవసరమే 
ధనం జీవితం గాకూడదు 
సంతృప్తి గల మనిషి జీవితం సుఖమయం
అందుకే. అతి సర్వత్ర వర్జయేత్ అన్నది అక్షర సత్యం....!!
...............................
 

కామెంట్‌లు