- నువ్వెవరివి.. ?(చిత్రకవిత :) కోరాడ నరసింహా రావు !

మన చేతలను ప్రకటించేవి 

 ఎక్కువగా  చేతులే... !

మన హృదయంప్రేమతో నిండి  మన చేతులు  పరిమళాలు 

  వెద  జ ల్లి  తే.... 

  తోటి  మనుషులే కాదు... 

  పశు,పక్ష్యాదులూ,నిర్భ

  యంగా  మనచుట్టూ చేరి పోతాయ్... !

కాకుల్ని ఎంగిలిచేత్తో నైనా... 

  కొట్టని వాళ్ళు... !

 కుక్కకైనా పట్టెడన్నం... 

   పెట్టనివాళ్ళు... !!

వీళ్ళ దరికి యే ప్రాణీ... 

    చేరదు  కదా....!

 ప్రేమ తోనే... ఈ ప్రపంచం... 

 అందాలుచిందుతూ... 

  ఆనందింప జేస్తుంది... !

 కాఠిన్యము - క్రూరత్వము... 

 నీలో  కనిపిస్తే... పశు, పక్ష్యాదులే కాదు... 

   సాటి మనుషులూ, నీదరి 

      చేరరు.... !!

 నీ చేతలు, చేతులు ఇలా... 

 ఈ సీతాకోక చిలుకల్లా  సాటి ప్రాణులన్నిటినీ నీ చుట్టూ... 

  తిప్పుకో గలిగితేనే... 

  నువ్ మానవత్వం మూర్తీభవించిన మనిషివి !

 నిన్ను చూసి, భయపడి... 

   పారిపోతే... నువ్వెవరివి?!

      ******