ఆకలి @కోరాడ నరసింహా రావు

మొద్దు... బద్దకాలను వదిలించి 

బతుకుబాటకు...దారులు వెద కించింది... 

ఆకలే.... !

    మనిషిలో... ఆలోచనలు రేకె త్తిందీ,

అన్వేషణమొదలయ్యిందీ... 

ఆకలితోనే.... !

      నీతి, న్యాయాలనుదూరంచేసిందీ...

   తప్పులుచేయించిందీ ...

      ముప్పులు తెచ్చిందీ...

     ఆకలే... !

  ఈ ఆకలికిపుట్టిన ఆలోచనలు

ఆ ఆకలితోనే ఆగక.... 

   దోచుకోవటం - దాచుకొవటం 

  మొదలవ్వటంతోనే...

,సమస్యలు మొదలయ్యాయి  కదూ... !

ఇవి... అజమాయిషీ కోసం... 

   తహ -  తహ లాడించాయ్ !

అధికారదాహాన్ని పెంచాయ్ !!

అరాచకాలు సృష్టించాయ్ !

తిరుగుబాట్లకు....

           దారులువేసాయి  !!

   అల్లకల్లోలం - అశాంతి... 

ఇంక సమాజం లో... 

.. ప్రశాంత తెక్కడ... !?

ఈ ఆకలి - శోకాలు... 

  సమసిపోయేదెప్పుడు.. !?

   ఈ ప్రపంచం శాంతి, సౌఖ్యాలతో    

         మనగలిగే దెన్నడు.. !!

      *****