సుప్రభాత కవిత ; బృంద
కరుగుతున్న క్షణాలలా
అలుపులేక గలగలా
సాగుతున్న  సెలయేరు

ఎదలోతుల ఒదిగున్న
ఏవేవో జ్ఞాపకాల
కదులుతున్న దొంతరలు

పచ్చగ మనసును
వెలిగించే 
వెచ్చని మధుర భావనలు

నింగి పైనుండీ తొంగిచూసే
పాలమబ్బులంటి
పిచ్చి కోరికలు...

అల్లరిపిల్లల అదుపులో
పెట్టినట్టు
అడ్డగిస్తున్న తరూశ్రేణులు

ప్రశాంతమైన ఉదయాన
సుందర దృశ్యం  చూసి
మూగబోయే మానసాలు

పొందుతున్న పరవశాలు 
అందుతున్న ఆనందాలు
ఆకుపచ్చని జ్ఞాపకాలు

సుతిమెత్తని భావనలను
మీటుతున్న  హృదయవీణ
మధురమైన సవ్వడులు

పెదవులపై మొదలై
మోమంత పరచుకున్న
వెన్నెలంటి  చల్లని నవ్వులు

మస్తిష్కపు మూలలో
కదులుతున్న కలలను
తట్టిలేపు తలపులు

ఆహ్లాదకరమైన  రోజును
ఆనందాలు నింపమని
ఆహ్వానిస్తూ..ఆలపించే

🌸🌸 సుప్రభాతం 🌸🌸


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం