శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

131)వేదవిత్ -

వేదవిచారణ చేయగలవాడు

విచక్షణ రూపముగలవాడు

వేదకారణమైనట్టివాడు

వేదవిస్తరణము చేయువాడు 

శ్రీవిష్ణు సహస్రనామాలు ఉమా!

132)కవిః -

స్వరమును వినిపించగలవాడు

చక్షువులకు గోచరించువాడు

అంతయు గమనించుచున్నవాడు

భావనలో మునిగియున్నవాడు 

శ్రీ విష్ణు సహస్రనామాలు!ఉమా!

133)లోకాధ్యక్షః -

విశ్వముకు నాయకుడైనవాడు

సర్వలోకముల నడిపించేవాడు

దేవ, మానవసమూహ నాయకుడు 

చర్యలకు కారకుడైనట్టివాడు 

శ్రీ విష్ణు సహస్ర నామాలు ఉమా!

134)సురాధ్యక్షః -

సురులకు అధ్యక్షుడైనవాడు

దేవగణములకు నాయకుడు

దివ్యమైన నాయకత్వమున్నవాడు

కార్యములనాదేశించువాడు 

శ్రీ విష్ణు సహస్ర నామాలు ఉమా!

135)ధర్మాధ్యక్షః -

ధర్మాధర్మ వీక్షకుడైనవాడు

ధర్మముకు అధ్యక్షుడైనవాడు

ధర్మపాలన చేయునట్టివాడు

ధర్మముకు నాయకుడైనవాడు 

శ్రీ విష్ణు సహస్రనామాలు ఉమా!

(సశేషం )