పసి పిల్లలు-సిరిమల్లెలు;- -గద్వాల సోమన్న,9966414580

పసి పిల్లల కళ్ళల్లో

పవిత్రత ఉదయించును

వారి బుడిబుడి నడకల్లో

నెమలమ్మ నర్తించును

చిన్నారుల పలుకుల్లో

తేనియలు జాలువారును

వారి చిన్ని మనసుల్లో

ప్రేమ చినుకులు కురియును

బడి బాలల చెలిమిలో

జీవనదులు ప్రవహించును

వారి చిట్టి చేతుల్లో

అక్షరాలు జన్మించును

కడిగినట్టి చూపుల్లో

వెన్నెల వెదజల్లును

పసి కూనల  హృదయాల్లో

దైవమే నివసించును