శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

206)శాస్తా -

శృతి స్మృతులతో శాసించువాడు

బుద్ధదేవుడు తానైనవాడు

శాసనమును జేయగలవాడు

శమదమములనిచ్చువాడు 

శ్రీ విష్ణు సహస్రనామాలు!ఉమా!

207)విశ్రుతాత్మా -

విశేష శ్రవణముజేయువాడు 

మిక్కిలి ప్రసిద్ధిచెందినవాడు

అందరికి తెలిసినట్టివాడు

కీర్తి వ్యాపించినట్టి వాడు 

శ్రీ విష్ణు సహస్రనామాలు ఉమా!

208)సురారిహా-

దేవరిపులను తొలగించువాడు 

సురుల శత్రువుల నాశకుడు

దివ్యులను కాపాడువాడు

అసుర సంహారము జేయువాడు 

శ్రీ విష్ణు సహస్ర నామాలు ఉమా!

209)గురుః -

ఆత్మవిద్యను బోధించగలవాడు

ఆశ్రితుల కాపాడుచుండువాడు

బృహుస్పతియే తానైనవాడు 

ఉపాధ్యాయ గుణమున్నవాడు 

శ్రీ విష్ణు సహస్ర నామాలు ఉమా!

210)గురుత్తమః -

గురువులలోనే అగ్రగణ్యుడు

సాధకులలో ఉత్తమమైనవాడు

అందరికి తెలియజెప్పెడివాడు

బోధకులలో ప్రథముడైనట్టివాడు 

శ్రీ విష్ణు సహస్రనామాలు ఉమా!

(సశేషం )