శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

501)కపీంద్రః -

వానరులకు ప్రభువైనవాడు 

అగ్ని సమానుడైనట్టి వాడు 

విష్ణుమూర్తిగా నున్నవాడు 

నారింజవర్ణమున నున్నవాడు 

శ్రీ విష్ణు సహస్రనామాలు ఉమా!

502)భూరి దక్షిణః -

యజ్ఞదక్షిణలనిచ్చుచున్నవాడు 

భూరిదానములు అందించువాడు 

సువర్ణమును దానమిచ్చువాడు 

అధికమైన వితరణీయువాడు 

శ్రీ విష్ణు సహస్ర నామాలు ఉమా!

503)సోమపః -

యజ్ఞయాజకుడై యున్నవాడు 

సోమరసపానము జేయువాడు 

పరాక్రమము చూపించువాడు 

కర్పూరసమానుడైనట్టి వాడు 

శ్రీ విష్ణు సహస్రనామాలు ఉమా!

504)అమృతపః -

అత్మానందరూపుడైయున్న వాడు 

యజ్ఞశేషములను పొందువాడు 

రసానుభవములు అందినవాడు 

అందమైనవృత్తిగలిగినవాడు 

శ్రీ విష్ణు సహస్ర నామాలు ఉమా!

505)సోమః -

చంద్రరూపంలో నున్నవాడు 

ఓషధులను అందించువాడు 

పితృదేవతా సమానుడైనవాడు 

వాయురూపమున చరించువాడు 

శ్రీ విష్ణు సహస్రనామాలు ఉమా!

(సశేషం )