శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

726)నైకః -

వివిధ రూపాలలోనున్నవాడు 

తెలియవచ్చుచున్నట్టి వాడు 

త్రిత్వాత్ముడై నిలిచినవాడు 

ఉనికిని చాటుకొనుచున్నవాడు 

శ్రీ విష్ణు సహస్రనామాలు ఉమా!

727)సవః -

సోమయాగము రూపున్నవాడు 

ఏకానేక ప్రతిబింబసహితుడు 

ఋజువుగా నిలిచినట్టి వాడు 

సవము యైన పూర్ణపురుషుడు 

శ్రీవిష్ణు సహస్రనామాలు ఉమా!

728)కః -

సుఖ స్వరూపము గలిగినవాడు 

బ్రహ్మానందస్థితిలోయున్నవాడు 

పూర్ణత్వము కలిగినవాడు 

నిశ్చలభావన నిండినవాడు 

శ్రీవిష్ణు సహస్రనామాలు ఉమా

729) కిమ్ -

అతడెవరని అడగగలవాడు 

విచారణ చేయదగినట్టి వాడు 

ఎరుకజేయ దగినట్టివాడు 

ప్రశ్నించేవిధంగా యున్నవాడు 

శ్రీ విష్ణు సహస్రనామాలు ఉమా!

730)యత్ -

దేనినుండి విశ్వమున్నదో వాడు 

సర్వత్రా వ్యాపించియున్నవాడు 

ఆ భావనను కలిగించువాడు 

ఆంతర్యము అయినట్టివాడు 

శ్రీవిష్ణు సహస్రనామాలు ఉమా!

(సశేషం )