నీతి పద్యాలు:----సంగనభట్ల చిన్న రామ కిష్టయ్య, ధర్మపురి.-మొబైల్: 9908554535.

 22. ఆ.వె. మేము లేకయున్న మీ పని జరగదు

                తామె గొప్ప యనుచు తలప వలదు 

                అరవకున్న కోడి యారవి యాగునే

                రమ్య సూక్తులరయు రామకృష్ణ .

23. ఆ.వె. జరగని పని గూర్చి ధర విచారించకు    

               మరచిపొమ్ము లేక మానుకొమ్ము

               నింగినందుకొనుట నీ తరమగునటే

               రమ్య సూక్తులరయు రామకృష్ణ.

24. ఆ.వె.చిన్న ఫలములన్ని చెట్టుపై నుండును

               ఎక్కరాదు ముసలి మెక్కరాదు 

               సృష్టి జేయు బమ్మ  చిత్రంబులను చూడు                                            

               రమ్య సూక్తులరయు  రామకృష్ణ.