రిమోట్ కంట్రోలర్ - మనసు కూడా !: ---ఎం. వి. ఉమాదేవి నెల్లూరు

 యంత్ర జనిత సహాయం,వినోదం,మేధా.. 

దేనికైనా నేడు రిమోట్ కంట్రోలర్.. !

యాంత్రికతకు అదుపు యంత్రమే !

బ్రహ్మాండమైన యంత్రాంగాన్ని  సైతం.. . 

పిడికిలిలో ఇమిడే రిమోట్ 

అదుపులో ఉంచుతూ.. !

మానవమేధకు ఆకాశమే హద్దు!

మరి మానవ జనిత దారుణాలకూ.. 

ఏదైనా రిమోట్ఉంటే ఎంత మోదం !? 

చెట్టo త మగాడికి రిమోట్.. 

భార్యామణి గొంతులోనో.. 

కనుసైగలోనే,భృకుటి ముడిలోనో.. కదా !

అల్లరి పిల్లలకు బామ్మల కథలే 

రిమోట్ లు !

మామగార్ని పిండేస్తున్న అల్లుడుని  

అదుపులో ఉంచే రిమోట్ బామ్మర్ది చేతిలో.. 

 విద్యాసంస్థల్లో కులం చీడకు 

కలెక్టర్ చేతిలో నిఘా రిమోట్!

అటిటు నడిచే బొమ్మకారు కాదోయ్.. నేడు.. 

ఆడపిల్ల తనకు తానే స్వయం రిమోట్ మిస్సైల్ !

జర జాగ్రత్త !

కవన కుతూహలంతో కాగితాలు 

నలుపు చేస్తున్నా.. 

పత్రికలూ, ప్రశంసముఖమెరుగని కవీంద్రా!

కీర్తి రిమోట్ భావనల్లోనే ఉంది!

భవ్య వర్ణనల భాగ్యం !

ఉబ్బి తబ్బిబ్బయ్యే మెప్పులూ 

వెండి కప్పులూ!

కాశ్మీర్ శాలువాలూ.. !!

మిత్రమా మీటనొక్కు మరి!