జీవితం పరుగు :-ఎం.వి. ఉమాదేవి . నెల్లూరు

పుట్టక ముందే అందర్నీ పరుగులు పెట్టిస్తావ్ 

పుట్టే రోజున బాగా ఏడిపిస్తూనే పుడతావ్ 

మరి నువ్వేడవక పోతేనో..? మళ్ళీ పరుగులు నీ వాళ్ళు !

ఇంట్లో మరి వేగంగా సాగే పనులు,స్నానం, పాలు,చొక్కా !

 ఉయ్యాలకోసం ఉరుకులు పరుగులు,ఊరుకోబెట్టే లాలిపాట 

నువ్వు వేసే తప్పటడుగులు ఇంట్లో సంతోషం పరుగులు!

ఎదిగిన కోరికలచిట్టా కోసమే 

కన్నవాళ్ళ ఆరాటం 

తీరే నాటికి సొంత సంపాదన తెచ్చిన అహం రన్నింగ్ రేస్ !

అందాన్ని చూస్తే పెరిగే గుండెపరుగు !

జీవితం లో స్థిరత్వం కోసం తోటి వాళ్ళతో మారథాన్ !

చివరికి ఏదోరోజు చెప్పులైనావేసుకోకుండా.. 

చెప్పా పెట్టకుండా.. చిరశాంతి మందిరం వైపు నీ పరుగు.. 

శాశ్వతంగా ఆపు తూ... !!