కచ్చేరి పైన పద్యాలు;-మచ్చ అనురాధతెలుగు భాషోపాధ్యాయురాలుజి.ప.ఉ.పాఠశాల కుకునూర్ పల్లి, కొండపాక మండలం , సిద్దిపేట జిల్లా.

గొడవ గలిగెనేని కుదురుగా కచ్చేరి

చేరి బాధనంత చెప్పుకొనగ

పల్లె లందు కలుగు పంచాయతీలన్ని

పెద్దరికము జూపి బుద్ధి చెప్పు .

ఉర్వి జనులు వెళ్ళి నూరి పెద్దకు జెప్ప

వినియు గొడవనంత  విశదముగను

కలిసి ఉంటె మనకు కలుగు శుభమనియు 

తీర్పునిచ్చు నమ్మి మార్పు కొరకు .

పొద్దునంత పనులు పొట్టకూటి కొరకు

చేసి యలసిపోయి చేరి యడ్డ 

మాటలాడి కొంత మనసు మోదమునొంద

యింటి దారి బట్టు యింపుగాను .