* మాతృదినోత్సవం *; -కోరాడ నరసింహా రావు

 @ ఏడాదికొక దినం @ 

        @@@@@@@

తన బ్రతుకునే ఫణం పెట్టి, కని 

పెంచి, పెద్దచేసిన కన్నతల్లికి... 

ఏడాదికొకదినం సందడిగా పండుగచేసేసి

 చేతులుదులుపు కునే వైనం ! 

అమ్మబ్రతుకెంత దైన్యం... !!

   ప్రేమ,అనురాగం,ఆప్యాయత

సేవ,త్యాగాలన్నీకలగలిసిన

అమృతమూర్తికి ఇవ్వాల్సింది..

ఏడాదికొక దినమా... !?

మనకుతనజీవితాన్నేఇచ్చేసిందే

మనకోసంఅలుపెరుగకశ్రమించి

అలసి, సొలసి, వాడి... వడలి పోయిందే తను...!

  నీ ఆసరా కోసం ఆశగాఎదురుచూస్తోందే !

ఈ దినంతో... నీ ఋణం  తీరి పోతుందా... !

    అమ్మనుప్రేమగా పలకరించు 

ఆప్యాయతతో అన్నం పెట్టు... 

పొంగిపోతుంది !

.......ఇంటినుండిగెంటేయక ....ఆ ఈశ్వరుని  అమ్మలో దర్శించి 

ఉదయాన్నే ఆమె పాదాలకు 

              భక్తితో నమస్కరిచు !

ఊరటచెందిన ఆ అమ్మఋషి  

నిన్నుమహదానందం తో......  దీవిస్తుంది !  

  

     అమ్మని  అనాథను చేసి.....

నీదారి నువ్ చూసుకుని,ఏడాది కోమారు దినోత్సవం చేసి..... 

అమ్మపైబాధ్యతను విడచి, నీ  ప్రేమను తద్దినంగా.... 

       మార్చేయకు !!

.   ********