|| బ్రతుకు తెరువు ||;-మచ్చరాజమౌళి దుబ్బాక 9059637442

చేవ చచ్చిన మనసు

శరీరాన్ని బలవంతంగా లాక్కెలుతున్నప్పుడు

బ్రతుకు బరువును కుదించుతూ

బ్రతుకు తెరువు మొగ్గ తొడుగుతుంటే

ప్రాణం లేచొచ్చినట్లవుతుంది

తెగిపడ్డ వాన చినుకు

మట్టిబెడ్డకు బ్రతుకు తెరువు 

శిథిలమైన వెలుతురుకు

తొలిపొద్దు బ్రతుకు తెరువు 

శిశిరము రాల్చిన చెట్టుకు 

చిగురే బ్రతుకు తెరువు 

సుడిగుండం దాటిన అలలకు

తీరం ఒక బ్రతుకు తెరువు 

ఆగని ప్రవాహమై జారుతున్న కన్నీటికి  

నేనున్నానను ఓదార్పే బ్రతుకు తెరువు 

సంధించిన ప్రశ్నలకు సమాధానం దొరకనప్పుడు

మిన్నకుండిన మౌనం ఒక బ్రతుకుతెరువు

ఆటుపోటుల నాటకంలో

సుఖ దు:ఖాల పెనుగులాటలో

లక్ష్యం నడుస్తూనే ఉంటుంది గమ్యాన్ని మరిచి

వెతకాల్సిన దారిని పోల్చుకోలేక

గతాన్ని ముందరేసుకుని

సమాధుల్ని తొవ్వి చూడడం కాదు

సంధి రాయబారం నడపాల్సిందే ఇప్పుడు.. 

______