మూర్ఖత్వం (చిత్రకవిత )-కోరాడ నరసింహా రావు !

ఆనందానికి అర్రులు చాచే 

మనిషి... పొందినదానితో... 

. తృప్తి చెందిందెప్పుడు... !!

సాటి ప్రాణుల్ని బాధించైనా... 

 తను ఆనందాన్ని పొందాలను కునే నైజం !

 తనది ఏది చేజారినా...పోనీలే 

అనుకోలేని తత్త్వం... !

పావురాయి వండుకు తిని... 

 ఆ పక్షి ఈకతో ఆడుకునే... 

  వికృతానందం... !

ఆ ప్రాణిలోని స్వేచ్ఛాకాంక్ష 

 దాని  ఈకలోనికి చేరి... 

వీలుచిక్కినవేళ,ఎగిరిపోతుంటే 

 చేజారుతున్న ఆచిటికెడుఆనం దాన్నీ వదులుకోలేక...  తన 

నిండు ప్రాణాన్ని బలిపెట్ట బోతు న్న మనిషి మూర్ఖత్వం... !

     ఓ మనిషీ... పొందినదానితో తృప్తి పడితే... 

 భాగ్యశాలివే నువ్వు.. !

 అందని దానికి ఆశపడితే.... 

  నీ బ్రతుకు నవ్వో...నరకమో!!

          ******