బాల పంచపది==========1. వర్ష ఋతువు,రెండు మాసాలు !శ్రావణ భాద్రపద,మాసాలు !శ్రావణమాసం,పేరంటాలు !భాద్రపదం,వినాయక ఉత్సవాలు!వానలు రావాలి ,పంటలు పండాలి, రామా!2. యజ్ఞాల ఫలాలు ,వర్షాలు !వర్షాలు తెస్తాయి,హర్షాలు!హర్షాల పొలాల ,పంటలు !పంటలతో నిండు,గాదెలు!వానలు రావాలి ,పంటలు పండాలి ,రామా!3. వానని తడియని వారు?తడిసి పులకించని వారు?వేమన కవిత చదవని వారు?చదివి సంతోషించని వారు?వానలు రావాలి ,పంటలు పండాలి, రామా!4. చినుకులన్నీ,ఒకటై ధారలు!ధారల తడియ,ఎండిన నేలలు!ధరణి అంతా,పులకింతలు!నవ్వే నవ్వులే ,మొలిచే మొలకలు!వానలు రావాలి ,పంటలు పండాలి ,రామా!5. వాన వాన చెల్లప్ప ,పాటలు !కాగితం పడవల,ఆటలు!మధ్యలో మెరుపుల,అందాలు !పిడుగులు చేసే,శబ్దాలు!వానలు రావాలి ,పంటలు పండాలి ,రామా!6. కాళ్ళకి రెయిన్ బూట్లు!ఒంటికి రెయిన్ కోట్లు!కొందరు తెరిచిన గొడుగులు!తొందర నడకల పరుగులు!వానలు రావాలి ,పంటలు పండాలి ,రామా!7. వరుణ దేవుడు ,కరుణించాలి!వానలు వరదలు,కాకుండాలి!అతివృష్టి ,పంట నష్టాలు !అనావృష్టి ,కరువు కాటకాలు!వానలు రావాలి ,పంటలు పండాలి , రామా!_________
వర్షం -హర్షం!;-డా.పి. వి .ఎల్ .సుబ్బారావు, 9441058797.
addComments
కామెంట్ను పోస్ట్ చేయండి