కలల ప్రపంచం;-డా.నీలం స్వాతి,చిన్న చెరుకూరు గ్రామం,నెల్లూరు.6302811961.
చీకటి ఆకాశంలో
బుడ్డి దీపం కొనప్రాణంతో
కొట్టుమిట్టాడుతుంది....
రెక్కలు ముక్కలైన
డొక్కలు నిండని
దుస్థితి పాపం...
ఆకలి కేకల 
రాగాల మధ్య
ఆ శబరీ క్షేత్రంలో 
కన్నీటి
కచ్చెరి ఇప్పుడే మొదలైంది...
సత్తు పోయిన విస్తరి
అన్నం వడ్డించగానే  పెద్దదయినట్లు
అనిపిస్తుంది....
చద్ది ముద్ద అరచేత
నిలపగానే 
పేగు బంధం భాగానికి
చేయి చాచింది...
వికృత సన్నివేశాల 
నడుమ చిత్రించిన 
కథనాలను చూసి
కన్నీరైన చందమామ 
వెన్నెల వర్షం కురిపించింది...
కాసంత కునుకు తీరుతాడని
నేలమ్మా ఒడిని పరిచింది...
ఒంటరితన్నాన్ని తరిమిన చిరుగాలి చిత్రంగా చెవిలో ఊసులు చెప్పింది...
జవాబు దొరకని ప్రశ్నల
ఉత్తరాలను కుప్పగా పోగేసి కాల్చేసిన తర్వాత
వాస్తవాల ఆదమరపునా
అందమైన కలల ప్రపంచం అతన్ని ఆహ్వానించింది...  



కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం