ఆహా... కాలమహిమ... !(* చిత్రకవిత *-- కోరాడ నరసింహా రావు.

గొడ్డళ్లతో నరికినా... 

 రంపాలతో కోసినా... 

  మేకులేసి దిగ్గొట్టినా.... 

   పరోపకారిగానే......,          తరువుజన్మధన్యం....!

   కర్రచెక్కలకు...ముక్కలకు  

  అందమైన ఆకృతులనిచ్చి 

   నగిషీలతో... ఆకర్షణ పెంచి 

    గృహోప కరణాలుగా.... 

    వన్నెతెచ్చిన కఱ్ఱపనివారి ప్రావీణ్యత.... ప్రశంసనీయము 

    చేతి వృత్తులతో.... పేరు, ప్రఖ్యాతి, జీవనోపాధి.... !

   యాంత్రిక యుగ తంత్రం.... 

   చేసేసిందికదా.... ఆ సంస్కృతిని ఛిద్రం..... !

  ఆహా... కాలమహిమ... !!

     ******