*"కుమార శతకం " - పక్కి లక్ష్మీ నరసింహ కవి - పద్యం 031*
 కందం:
*వగవకు గడచిన దానికి*
*పొగడకు దుర్మతుల నెపుడు; పొసగని పనికై*
*యొగి దీనత నొందకుమీ*
*తగ దైవగతిం బొసంగు ధరను కుమారా !*
తా:
కుమారా! ఇంతకు ముందు జరిగిపోయిన విషయాల గురించి బాధపడకు. ఏ రోజూ చెడ్డ పనులు చేసే వారిని, చెడు ఆలోచనలు చేసే వారిని సమర్ధించకు. సాధ్యము కాని, ఎట్టి పరిస్థితుల్లో జరగదు అని తెలిసిన పని అవలేదు అని చింతించకు, బాధపడకు. ఈ భూమి మీద జరిగే పనులు అన్నీ కూడా పరమేశ్వరుడు అనుకున్నప్పుడే అవుతున్నాయి అని తెలుసుకో....... అని పక్కి లక్ష్మీ నరసింహ కవి చెపుతున్నారు.
*భావం:*
*"గతం గతః", "గతజల సేతు బంధనం" ఈ పదబంధాలు మనం తరచుగా వింటూ ఉంటాము. జరిగిపోయిన విషయం గురించి చింతించడం మానేయాలి అని చెప్పడమే వీటి ఉద్దేశం. ఎందుకంటే, వాటిని ఈ రోజు మనం మార్చి రాయలేము. రేపు ఏమి, ఎలా జరుగుతుంది. ఇది మనకు అసలు తెలియదు. కాబట్టి, ఇది పూర్తిగా మన చేతిలో లేనిది. దీని గురించి ఆలోచించడం వల్ల ఏమాత్రమూ ఉపయోగం ఉండదు. ఇక మిగిలింది, ప్రస్తుతం. అవును, ఇప్పుడు, ఈ క్షణం మాత్రమే మనకు మిగిలింది. ఇప్పుడు కూడా విషయం జరగడం అయ్యే వరకు, ఫలితం తెలియదు. అంతిమంగా, నిన్న, ఇవాళ, రేపు ఎప్పుడూ కూడా పరమేశ్వరుని కోరిక మేరకే ఏ ఒనులైనా జరుగుతాయి అనేది నిర్వివాదమైన అంశం అని తెలుసుకుని, ఒప్పుకునే మనసు మనకు ఇవ్వమని...... కలియుగ ప్రత్యక్ష దైవం, అలన్మేల్మంగా పద్మావతీ సమేత వేంకటేశ్వరుని ప్రార్ధించుకుందాము.*
*శివో రక్షతు! శివో రక్షతు!! శివో రక్షతు!!!*
..... ఓం నమో వేంకటేశాయ

Nagarajakumar.mvss

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం