భరతమాత గొప్పదనం(మణిపూసలు);--చైతన్య భారతి పోతుల-ZPHS కవాడిపల్లి, అబ్దుల్లాపూర్మెట్, 7013264464

శాంతి సహనమాస్థిగాను

జ్ఞానకాంతి సొత్తుగాను

కీర్తితోడ వెలిగెనులే

మనదేశం జగతిలోను

సకల కళల జననితాను

సహనశీలి పృథ్వి తాను

స్నేహానికి చిరునామాగ

విలసిల్లే అవనితాను

అరణ్యాల సొగసుజూడు

జనని గర్భ సిరులు జూడు

జలశోభల అద్భుతాల

భరతమాత సొగసు జూడు

మహనీయుల గన్నతల్లి

జ్ఞానసుధల కల్పవల్లి

ఇతిహాసపు మధువులతో

విలువలన్ని పంచె తల్లి

స్వచ్ఛమైన హిమనదాలు

సస్యములకు త్యాగసుధలు

ఆహ్లాదం వొనగూర్చే

ఆధ్యాత్మిక స్థావరాలు

మట్టికణం తాకగానె

పేరు మదిన తలవగానె

మనసంతా పులకించెను

మాతృభూమి సేవలోనె