మెరుపు ముత్యాలు;- గుర్రాల లక్ష్మారెడ్డి కల్వకుర్తి.- సెల్.9491387977.- నాగర్ కర్నూల్ జిల్లా

మిల మిల మెరిసే ముత్యాలు

కళకళలాడే రత్నాలు

వెరిసి ముత్యాల హారాలు

ఇంటి ముంగిట అందాలు !

ఈ ముత్యాల కాంతుల

ఇష్టపడే ఇంతుల

సిగలో చేయమంతుల

తోని నిత్యం మిల మిల !

మంచి ముత్యాల హారాలు

అవి అందాల తీరాలు

చేర్చి ఇచ్చును వరాలు

ఇంకెందుకూ బేరాలు !

ముత్యాల హారాల కుప్ప

మన ఆనందాల తెప్ప

అని చెప్పితివి తిమ్మప్ప

భళా !నీవేలే గొప్ప !

ఇవి తళుకు లీనుతున్నవి

మేము మిన్న అంటున్నవి

మాకు సాటి లేరన్నవి

చాలెంజ్ చేస్తున్నవి !

దారం ఆధారంతో

మేలిమైన ముత్యాలతో

హారమై అందాలతో

చేరుతాయి అవి మనతో !

సోకైన మన ముత్యాలు

అనువైన ఘన  రత్నాలు

విరజిమ్మును అందాలు

పెనవేయును బంధాలు !

మైమరపించు రత్నాలు

మురిపిస్తున్న ముత్యాలు

వాటితో పాటు పగడాలు

ఉండవు ఇక  జగడాలు !

వీటి కుందిలే డిమాండు

అవి మీరిక తెలుసుకోండు

వారు రాసిస్తారు బాండు

ఎందుకు పంపేది దండు ?!

ముత్యాల హారాలంటే

రత్నాల రాసుల కంటే

మిన్న అని తెలుసుకుంటే

పండేదిక నీ పంటే !