మేడే దినోత్సవం!;- గుర్రాల లక్ష్మారెడ్డి కల్వకుర్తి. సెల్.9491387977. నాగర్ కర్నూల్ జిల్లా.

మే డే వచ్చింది చూడు

ఉత్సవాల పాట పాడు

విని వస్తారులే జనం

కలసి నిలుస్తారు తోడు

మే డే న మా డే అని

ముందుగానే తెలుసుకొని

జరుపుదాం ఉత్సవాలు

ఉండాలి ఇక మేలుకొని !

కార్మికులకు గుర్తింపు

తెచ్చిన దినమని తెలుపు

బాధ్యత మనపై ఉన్నది

అందరిని మేలుకొలుపు !

శ్రమించే కార్మికులు

వారు మన ధార్మికులు

అని ఎప్పుడూ మరవద్దు

సంపద నిచ్చే శ్రామికులు!

శ్రామిక లోకం దినమిది

ఐనా కూడా మన అందరిది

పాల్గొందాంలే  ఇందు

ఉండదులే ఇక ఇబ్బంది !

చికాకో కార్మికుల

ఐక్యతా శక్తి ఇల

సృష్టించెను ప్రభంజనం

మొదలాయే గోల గోల !