1). మనకు ముత్యాల హారాలు
మెరిసేటి మణిహారాలు
కావాలి ఇక మన పాలు
చేయకండి నేలపాలు !
2). మణిహారాలను ధరించి
మన హారాలను గురించి
తెలుసుకోండిక గాలించి
మన వేదికని భావించి !
3). ఇందు నాలుగు పాదాలు
ఇవి సులువైన హారాలు
అసలు ఉండవు వాదాలు
అని కొట్టండిక బాజాలు !
4). ద్వారాలకివి అందాలు
పంచుకొనులే బంధాలు
పలుకగా ఆహ్వానాలు
ఇచ్చు ఆశీర్వాదాలు !
5). వీటికున్నవి సూత్రాలు
అవే వాటికి గోత్రాలు
ఉండు సరైన మాత్రలు
చూస్తేను మీ నేత్రాలు !
6). హారాలను ఇక అల్లండి
వేదిక పైకిక వెళ్లండి
మన సభ్యులను కలవండి
బాసటగాను నిలవండి !
7). ముత్యాల హారాల తేరు
ఎక్కి చూడండిక మీరు
కనిపించును వాటి సౌరు
చూస్తే ఇక మది విప్పారు !
8). మన ముత్యాల హారాల
జిగేలుమను అందాల
చూడు ఓ తెలుగు బాల
దిశ దశల మూల మూల !
addComments
కామెంట్ను పోస్ట్ చేయండి