నేస్తం , బాలగేయం;- రావిపల్లి వాసుదేవరావు-విజయనగరం జిల్లా-9441713136

కలువకు చంద్రుడు నేస్తం 

కమలానికి రవి నేస్తం

అనురాగం పంచేటి 

అమ్మే అందరి నేస్తం

చెల్లికి అక్కయ్య నేస్తం

తమ్ముకు అన్నయ్య నేస్తం

నడతను నేర్పంచేటి

నాన్నే అందరి నేస్తం

వాగు నదికీ నేస్తం

నదికి కడలే నేస్తం

పూలు పండ్లు ఇచ్చేటి

తరువే అందరి నేస్తం

మల్లికి పందిరి నేస్తం

మనసుకు మమతే నేస్తం

మంచితనం కలిగిఉన్న

గుణమే అందరి నేస్తం

పొలముకు రైతే నేస్తం

రైతే పొలముకు నేస్తం

పంటలను పండించే

రైతే అందరి నేస్తం