చిన్న పిల్లలు;- -గద్వాల సోమన్న,9966414580

అద్దం వంటి బాలలు

ముద్దులొలికే  పూవులు

సద్దు చేసే బుడతలు

సుద్దులేమో తేనెలు

వృద్ధికి మేలి పథములు

శుద్ధమైనవి పదములు

హద్దులు మీరని పిల్లలు

ముద్దబంతుల తావులు

చల్లని వెన్నెల జల్లులు

తెల్లని మల్లె మొగ్గలు

ఎల్లరి మెచ్చే కూనలు

కల్లలెరుగని వేల్పులు

చుక్కలాంటి బాలలు

మొక్కల్లాంటి మనసులు

చక్కని నగవుల ముఖములు

మిక్కిలి ఇంటికి వెలుగులు

ఉన్నతమైన వ్యక్తులు

వెన్న ముద్దల సొగసులు

ఉన్న ఊరికి ఘనతలు

కన్నవారికి గురుతులు

బుగ్గలు చూడ చిగురులు

సిగ్గులేమో కెంపులు

సగ్గుబియ్యం నడకలు

ముగ్గులు ముంగిట బాలలు