తీయగా పాడుతుంది కోయిల
చల్లగా కురుస్తుంది వెన్నెల
చిన్నారుల హృదయమే కోవెల
వారుంటే సదనమే కళకళ
సన్నగా నవ్వుతుంది పాపాయి
హాయిగా ఉంటుంది నడిరేయి
సదనంలో మగువలే వెలుగులు
వదనంలో నగవులే సొగసులు
చక్కగా ఆడుతుంది నెమలమ్మ
ముద్దుగా పలుకుతుంది చిలుకమ్మ
మిలమిల మెరుస్తుంది తారమ్మ
గలగల పారుతుంది యేరమ్మ
పచ్చగా ఉంటుంది మొలకమ్మ
గొప్పగా వెలుగుతుంది దివ్వెమ్మ
త్యాగానికి చిహ్నం మన అమ్మ
కుటుంబంలో ఫలించే కొమ్మ
addComments
కామెంట్ను పోస్ట్ చేయండి