కడిగిన ముత్యాలు పిల్లలు- -గద్వాల సోమన్న,9966414580

మాయమర్మం లేనివారు

కల్లకపట మెరుగని వారు

వారే వారే పసి పిల్లలు

లేరే లేరే సమానులు

భువిని వెలసిన పుణ్యమూర్తులు

సదన నింగిని రవిచంద్రులు

స్వేచ్ఛగా ఎగిరే ఖగములు

బుడిబుడి నడకల చిన్నారులు

కిలకిల నవ్వే నెలవంకలు

గలగల పారే సెలయేరులు

బాలలు కడిగిన ముత్యాలు 

మిలమిల మెరిసే తారకలు

మన రేపటి భారత పౌరులు

ఘన భారతమ్మ ప్రియ బిడ్డలు

దేశాభివృద్ధికి బాటలు

పాపమెరుగని పసికందులు