ముద్దుల తమ్ముడు;- -గద్వాల సోమన్న,9966414580

మా ముద్దుల తమ్ముడు

మా ఇంటికి భానుడు

అందరికి ప్రియమైన

అందాల చందురుడు

ఇంటిలోన కనిష్ఠుడు

మా కంటికి సుందరుడు

అమ్మానాన్నలకూ

ఎంతెంతో ఇష్టుడు

బొమ్మలాగ ఉంటాడు

మాటలెన్నొ  చెపుతాడు

గిలిగింతలు పెడితే

చిలుకలా నవ్వుతాడు

గేలి చేస్తే అలుగుతాడు

లాలిస్తే వాలుతాడు

చెలిమితో నిమిరితే

కలిసిపోయి అడుతాడు

గోల గోల చేస్తాడు

నేలుపాలు చేస్తాడు

తమ్ముడుంటే మజా

మాకు వాడే రోజా

బలే బలే  తమ్ముడు

చిన్నపాటి భీముడు

చలువ పూలు వెదజల్లు

పున్నమి వెన్నెల రేడు