మా అన్నయ్య;- -గద్వాల సోమన్న,9966414580

మా తోబుట్టువు అన్న

మా తోడు నీడ అన్న

నాన్న పిదప మాకు మిన్న

మనసు చూడ తీపి వెన్న

ఉండునులే అండగా

అభిమానం మెండుగా

అమూల్యమైన కానుక

కుటుంబంలో దీపిక

ఆదర్శం చూపించును

మంచి దారి నడిపించును

కంటికి రెప్పలా అన్న

ఎత్తుకుని ముద్దాడును

భుజంపై మోసుకొనును

చంకలో  ఎత్తుకొనును

బొమ్మలను చూపించి

మనసులను మురిపించును

తన వెంట తీసుకెళ్లును

ఆటలెన్నొ ఆడించును

ఈగ వాలనివ్వడోయ్!

ప్రేమెంతో పంచునోయ్!

మా అన్న బంగారం

ఇంటిలోన సింగారం

కన్నుల పండుగ చేస్తూ

విరబూసిన మందారం