46)అప్రమేయాః -
ఏ విధమైన ప్రమాణమెరుగడు
కొలతలకు అందని వాడు
హేతువుకునూ అందలేడు
నిర్వచనం చెప్పలేనివాడు
శ్రీ విష్ణు సహస్రనామాలు ఉమా!
47)హృషీకేశః -
ఇంద్రియములకు ప్రభువైవున్నాడు
సూర్యచంద్ర కిరణవిభుడు
కేశకిరణములున్నట్టి వాడు
హృషీకేశుడు హర్షమిచ్చువాడు
శ్రీ విష్ణు సహస్రనామాలు!ఉమా!
48)పద్మనాభః -
నాభియందు పద్మమున్నవాడు
చతుర్ముఖునికి జనకుడు
జ్ఞానపద్మము వున్నట్టివాడు
జీవులపుట్టుకకు కారకుడు
శ్రీ విష్ణు సహస్ర నామాలు ఉమా!
49)అమరప్రభుః -
అమరావతికి అధిపతి
అమరులయిన దేవతాపతి
అమరేంద్రుని శాశించు పతి
స్వామి సర్వభూతములకు పతి
శ్రీ విష్ణు సహస్ర నామాలు ఉమా!
50)విశ్వకర్మః -
విశ్వకర్మలను కలిగినవాడు
విశ్వసృష్టికి కారణమైనవాడు
నిర్మాణసమర్థత గలవాడు
బృహ్మకు ముందే సృష్టిచేయువాడు
addComments
కామెంట్ను పోస్ట్ చేయండి