శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

71)హిరణ్య గర్భః -

రమణీయస్థానమునుండువాడు 

స్వామి తానైన పరంధాముడు

సంపూర్ణ ఆనందమిచ్చువాడు

చతుర్ముఖునికి ఆత్మయైనవాడు 

శ్రీ విష్ణు సహస్రనామాలు ఉమా!

72)భూగర్భః -

భూమిని ధరించినవాడు

కడుపునబెట్టుకొనువాడు

నిత్యమూ కాపాడెడి వాడు

విశ్వముకు పుట్టిల్లయినవాడు 

శ్రీ విష్ణు సహస్రనామాలు!ఉమా!

73)మాధవః -

శ్రీలక్ష్మీదేవికి భర్తయైన వాడు

మధువిద్యామౌనధ్యానకుడు

యోగద్వారా తెల్సుకోబడ్డ వాడు

జ్ఞానప్రభు పరమాత్మకుండు

వేరుప్రభులేని మధువంశకుడు 

శ్రీ విష్ణు సహస్ర నామాలు ఉమా!

74)మధుసూదనః -

మధుకైటభ సంహారకుడు

బంధకారణముల నాశకుడు

కర్మఫలం తొలగించువాడు

మధురమైన నామములవాడు 

శ్రీ విష్ణు సహస్ర నామాలు ఉమా!

75)ఈశ్వరః -

సర్వులనూ పాలించేవాడు

అన్నిటినీ పోషించగలవాడు

సకలాధిపత్యం గలిగినవాడు

ఏ ప్రమేయమూ లేనివాడు 

శ్రీ విష్ణు సహస్రనామాలు ఉమా!