పొట్టేళ్ల పందెం (బాల గేయం)- ఎడ్ల లక్ష్మి-సిద్దిపేట

చుట్టం చూపుగా వచ్చారు

చెట్టు కింద ఆగారు

చుట్టాలకు కుర్చీలు వేయండి

అట్లు పోసి పెట్టండి !

పొట్లాట అసలే వద్దండి

పొట్టేలు పందెం చూడండి

కట్టెలు చేత పట్టుకుని

గట్టుమీద నిలవండి !

పొట్టి పొట్టేలు వచ్చింది

గట్టిగా పోటీలో నిలిచింది

గిట్టలు లేపుతూ ఎగిరింది

కొమ్ములిరగా పొడిచింది

పట్టుదలతో పందేన్ని

బెట్టు కట్టి చూడండి

కట్టిన బెట్టును మీరు

గెలిచిన వారికి ఇవ్వండి !