151)ఉపేంద్రః -
ఇంద్రునికి సోదరుడైనవాడు
దేవేంద్ర పదవిలోనివాడు
ఇంద్రునికంటెనూ ఘనమైనవాడు
సురులకన్నను అధికుడైనవాడు
శ్రీ విష్ణు సహస్రనామాలు ఉమా!
152)వామనః -
పొట్టిగానున్నట్టి బాలకుడు
హృదయమందు నివసించువాడు
దేవతలు ఉపాసించువాడు
వామనుడై బలినొంచినవాడు
శ్రీ విష్ణు సహస్రనామాలు!ఉమా!
153)ప్రాంశుః -
విశ్వస్వరూపము గలిగినవాడు
మిక్కిలి ఎత్తయినట్టివాడు
నింగికెగసియున్నట్టి వాడు
ఆకాశమును అందుకున్నవాడు
శ్రీ విష్ణు సహస్ర నామాలు ఉమా!
154)అమోఘః -
వ్యర్థంకాని కార్యమున్నవాడు
ఉపయోగకరముగా నున్నవాడు
అమోఘమైన శాసనకుడు
అమితవాక్శుద్ధి గలిగినవాడు!
శ్రీ విష్ణు సహస్ర నామాలు ఉమా!
155)శుచిః -
అత్యంత పవిత్రమైనవాడు
పూజించ దగినట్టి వాడు
స్మరణతో శుచినిచ్చెడివాడు
స్తుతితో కాపాడుచున్నవాడు
శ్రీ విష్ణు సహస్రనామాలు ఉమా!
addComments
కామెంట్ను పోస్ట్ చేయండి