శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

161)నియమః -

అన్నిటిని నియమించువాడు

ప్రాణులనడుపుచుండువాడు

దిక్కులను పాలించువాడు

గ్రహాల, తారలకు నియామకుడు 

శ్రీ విష్ణు సహస్రనామాలు ఉమా!

162)యమః -

నిగ్రహించునట్టి శక్తియున్నవాడు

జీవులను అదుపులోనుంచువాడు

లయింపజేయగలిగిన వాడు

దుష్టనాశనము జేయువాడు 

శ్రీ విష్ణు సహస్రనామాలు!ఉమా!

163)వేద్యః -

సాధువులకు తెలియువాడు

వేదవేద్యుడైనట్టి వాడు

ముముక్షువులు సేవించువాడు

తాపసులకు చేరువనున్నవాడు

శ్రీ విష్ణు సహస్ర నామాలు ఉమా!

164)వైద్యః -

సర్వవిద్యలు తెలిసినవాడు

భవరోగముల ద్రోలేడివాడు

వైద్య శ్రేష్ఠుడై నిలిచినవాడు

వ్యాధులును తొలగించువాడు 

శ్రీ విష్ణు సహస్ర నామాలు ఉమా!

165)సదాయోగీః -

సదా యోగస్థితిలోనుండువాడు

స్వ స్వరూపమునున్నవాడు 

నిశ్చలభావనము గలవాడు

యోగస్థితిని ఇవ్వగలవాడు

శ్రీ విష్ణు సహస్రనామాలు ఉమా!

(సశేషం )