91)అహః -
ఎవరినీ వదలనట్టివాడు
ప్రకాశంగా నుండెడివాడు
అజ్ఞానం తొలగించువాడు
భక్తులను కాపాడగలవాడు
శ్రీవిష్ణు సహస్రనామాలు ఉమా!
92)సంవత్సరః -
భక్తులను ఉద్ధరించగలవాడు
కాలమెల్లను తోడుండువాడు
సమయస్వరూపమైన వాడు
కాలమును గ్రహించినవాడు
శ్రీ విష్ణు సహస్రనామాలు!ఉమా!
93)వ్యాళః -
భక్తినివేదన స్వీకరించువాడు
శరణాగతిని యిచ్చువాడు
సర్ప,వ్యాఘ్ర,గజ విజయుడు
ఎవరికీ చేజిక్కని వాడు
శ్రీ విష్ణు సహస్ర నామాలు ఉమా!
94)ప్రత్యయః -
ఆధారపడదగినట్టి వాడు
విశ్వసింప దగినవాడు
నమ్మి కొలువదగినవాడు
స్వామి భక్తికిదాసుడైనవాడు
శ్రీ విష్ణు సహస్ర నామాలు ఉమా!
95)సర్వదర్శనః -
సమస్తమును చూచుచుండువాడు
కటాక్షవీక్షణములిచ్చువాడు
పరిపూర్ణ విభవమున్నవాడు
తనభక్తులకు చూపించువాడు
శ్రీ విష్ణు సహస్రనామాలు ఉమా!
addComments
కామెంట్ను పోస్ట్ చేయండి