శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

171)మహోత్సాహః -

ఉత్సాహముతో నుండెడివాడు

కార్యక్రమసిద్ధి గలిగినవాడు

జ్ఞానవంతుడు తానైనవాడు

ఉత్సాహమునందించువాడు 

శ్రీ విష్ణు సహస్రనామాలు ఉమా!

172) మహాబలః -

బలవంతుల్లో శ్రేష్టుడైనవాడు

మహాశక్తి సంపన్నుడైనవాడు

బలమును ప్రసాదించువాడు

విశ్వబలమును తానైనవాడు 

శ్రీ విష్ణు సహస్రనామాలు!ఉమా!

173)మహాబుద్ధిః -

తెలివితేటలున్నట్టి వాడు

బుద్ధిని ప్రసాదించువాడు

జ్ఞానమునీయగలవాడు

గొప్ప మేధతో నున్నవాడు

శ్రీ విష్ణు సహస్ర నామాలు ఉమా!

174)మహావీర్యః -

బ్రహ్మాండ సృజనజేయువాడు

విద్య తాపసశక్తియున్నవాడు

ప్రాణులకు కారకుడైనవాడు

సృష్టికర్తగా నిలబడువాడు 

శ్రీ విష్ణు సహస్ర నామాలు ఉమా!

175)మహాశక్తిః -

శక్తి సంపన్నతగలవాడు

సమర్థుడు అయినట్టివాడు

మహాబలముగలిగినవాడు

శక్తిరూపం పొందినవాడు

శ్రీ విష్ణు సహస్రనామాలు ఉమా!

(సశేషం )