శ్రీ విష్ణు సహస్రనామాలు ;- (బాల పంచపది )ఎం. వి. ఉమాదేవి

111)పుండరీకాక్షః -

భక్తహృదయపద్మ నివాసకుడు

భక్తిపద్మమునూ దర్శించువాడు

పులికన్నులవంటి సుందరుడు

పుండరీకుని బ్రోచినవాడు 

శ్రీవిష్ణు సహస్రనామాలు ఉమా!

112)వృషకర్మాః -

ధర్మమందు అనురక్తియున్నవాడు

ధర్మకార్యక్రమంలోనున్నాడు

పనియందునూ ధర్మాచరణుడు

ధర్మంలోనే లీనమైనవాడు 

శ్రీ విష్ణు సహస్రనామాలు!ఉమా!

113)వృషాకృతిః -

అగ్ని సమానుడైయుండువాడు 

సాధురూపమునయుండువాడు

ధర్మమే మూర్తిగా గల్గినవాడు

స్వామి వృషాకృతిదాల్చినవాడు

శ్రీ విష్ణు సహస్ర నామాలు ఉమా!

114)రుద్రాః -

రుద్రుడైయుండునట్టి వాడు

దుఃఖవిమోచన చేయగలవాడు

దుఃఖకారణం తొలగించువాడు

శోకమును దూరముంచువాడు

శ్రీ విష్ణు సహస్ర నామాలు ఉమా!

115)బహుశిరాః -

అనేక శిరస్సులున్నట్టివాడు

జ్ఞానవంతుడై విరాజిల్లువాడు

ప్రధానముగా నిలిచినవాడు

శిఖరసమానుడైనట్టి వాడు

శ్రీ విష్ణు సహస్రనామాలు ఉమా!

(సశేషం )