పండుటాకులు;- అంకాల సోమయ్య -దేవరుప్పుల -జనగాం-9640748497

కంటి చూపు ఆననోళ్లు

ఆశలన్నీ రాలినోళ్లు

మతిమరుపు వరమైనోళ్లు

రెండో బాల్యం పొడచూపిన

పండుటాకులు

వీరు తాము కన్న కొడుకులకు

కొడుకు లాంటి వాళ్ళు

తమ పిల్లవాళ్ళవోలే

ప్రేమగా చూడవలసిన

పెద్దవాళ్లు

వారే (వీరే)2మన అమ్మానాన్నలు

జాలిగా మన వైపు

చూసేటోళ్లు

ఎన్నో బాధలు అనుభవించినోళ్లు

స్వార్థపరులైన

కొడుకు కోడళ్ళ

ఆరళ్లకు బలైపోయినోళ్ళు

ఉన్నదంతా తమ పిల్లలకు పంచి

చేతిలో చిల్లిగవ్వలేనోళ్లు

వృద్ధాశ్రమంలో తలదాచుకునే వాళ్ళు

ఆకలి రోగాన్ని జయించలేక

కంచంలో కూడు వేసే నాథుడే కరువై

వీధి వీధి తిరిగి

బిక్ష మెత్తే

అందరూ ఉన్నాఎవరు లేని

అనాథలు వారు

ధనం ఉన్న నిర్భాగ్యులు వారు