ఆకలిని నేను?!;- అంకాల సోమయ్య-దేవరుప్పుల-జనగాం-9640748497

ఆకలిని నేను

నాబాధను తీర్చకుంటే

 ఆవేశమౌతాను

పోరాట గీతమౌతాను

నిరసన జెండై

ఎగురుతాను

ధిక్కార స్వరమై

గొంతెత్తుతాను

ఇది సగటు జీవి

కడుపుమండిన ఆకలి

పనిలేనితనమే

ఆకలి

పనికి తగిన ప్రతిఫలం

దక్కని ఆకలి

దోపిడీ

వ్యవస్థకు

మోకరిల్లలేక

కుళాయి నీళ్ళు త్రాగుతూ

కాలం వెల్లదీస్తూ

ప్రాణాలరచేత

పట్టుకున్న

నిస్సహాయుడి

ఆకలి

ఈఆకలి దుఃఖం

ఎప్పుడుతీరునో?

ఏలెటోడే

సవతితల్లి ప్రేమ

చూపితే 

దరిద్ర నారాయణుల

ప్రేగులు తెగేఆకలి

ఈ ఆకలి కేకలు

ఆగాలంటే?

ఉపాధి, ఉద్యోగ అవకాశాలు

ప్రభుత్వ ప్రభుత్వేతర

సంస్థలు కల్పించాలి

మేమున్నామన్నా

భరోసా నివ్వాలి

ఎగుడు దిగుడు సమాజం

సమంకావాలి