"శంకరప్రియ వృత్తం" పరిచయం- "కవి మిత్ర" శంకర ప్రియ.,శీల.,

👌అనంత ఛoదస్సు లోని
ప్రాచీనమైన పద్యము!
"శంకరప్రియ వృత్తము"!
ఓ ఆత్మ బంధువులార!
( అష్టాక్షరీ గీతి., )
🔆"అనంత: ఛంద:సౌరభం" అను బృహద్గ్రoధమును, సంకలనం కావించారు, సాహితీ బంధువులైన, "ఛందశ్శాస్త్ర రత్నాకర" శ్రీతోపెల్ల బాలసుబ్రహ్మణ్య శర్మగారు. వారు.. ప్రాచీన గ్రంధములను పరిశోధించి; వాటిలో నుండి ... "శంకరప్రియ వృత్తo"ను పరిచయం కావించారు! ఇది.. సప్త(7) వర్ణములు కలిగిన పద్యరత్నము!
🪷పద్య లక్షణం:-
"త"గణం - "ర"గణం - "ల"ఘువు.. వెరశి = సప్త (7) వర్ణములే "శంకర ప్రియ వృత్తం"! దీనికి.. ప్రాస నియమము కలదు. యతి నియమము లేదు.
🪷ఇష్ట దైవ ప్రార్ధన
శ్రీకంధరా! మహేశ!
శ్రీకాలకాల! రుద్ర!
నీకల్మి పొందగల్గ
నేకూర్తు వందనమ్ము!
(...డా. శాస్త్రుల రఘుపతి )
🌻(2)
శ్రీరుద్ర! వీర భద్ర!
కారుణ్య మూర్తి వీవె!
ఆరాధ్య దైవ మీవె!
మా రేడు నీవె సోమ!
(...శంకర ప్రియ ,)
🌻(3)
శ్రీవిఘ్నరాజ! నిన్ను
నే వేడుకొందు స్వామి!
యే విఘ్నమంచు రాక
మావైపు నుండుమంచు!
(... జి. లింగేశ్వర శర్మ.,)
🌻(4
శ్రీవాణి! నిన్ స్మరింతు
నా వేదనన్ గణించి
నీవే ననున్ వరించ
నావందనమ్ము లిత్తు!
(...అవధాని, బొల్లాప్రగడ శశిశర్మ., )