పిల్లల ఆదర్శం...;- -గద్వాల సోమన్న,9966414580

పసి పిల్లల తీపి పలుకులు

చిలుకమ్మ  విని నేర్చుకుంది

అందాల బుడిబుడి నడకలు

సెలయేరు పరుగులకబ్బింది

చిన్నారుల ముద్దు కులుకులు

నెమలమ్మ అనుకరించింది

వారి మోముల చక్కదనం

జాబిలమ్మ పులుముకుంది

బాలల చిరు దరహాసాలు

తారకమ్మల వశమైంది

వారి పవిత్రమైన బుద్ధులు

పావన గంగాజలమైంది

పసికూనల ఊసులన్నీ

తీయ తీయని  స్వప్నమైంది

సదనంలో నడిచి నడిచి

కోలాహలంగా మారింది