శ్రీ విష్ణు సహస్రనామాలు (బాల పంచపది ఎం. వి. ఉమాదేవి

211)ధామః -

పరమోత్తమ స్థానమైనవాడు

జీవుల చివరిగమ్యమైనవాడు

ప్రాణులు చేరియుండువాడు

స్వర్గమను ధామమునున్నవాడు 

శ్రీ విష్ణు సహస్రనామాలు!ఉమా!

212)సత్యః -

సత్యస్వరూపము గలిగినవాడు

సత్యభావనలో నిలిచినవాడు

లోకములో సత్యాన్వేషకుడు

సత్యమే తానైనట్టివాడు 

శ్రీ విష్ణు సహస్రనామాలు ఉమా!

213)సత్య పరాక్రమః -

సత్యనిరూపణ చేయగలవాడు

నిజమైన పరాక్రమవంతుడు

అమోఘవీరత్వముగలవాడు

సత్యసంకల్పము గలిగినవాడు 

శ్రీ విష్ణు సహస్ర నామాలు ఉమా!

214)నిమిషః -

నేత్రములు మూసుకొనియున్నవాడు

ధ్యానమగ్నుడై యున్నవాడు

కనులుమూసియు గ్రహించువాడు

కనురెప్పలు వాల్చినట్టి వాడు 

శ్రీ విష్ణు సహస్ర నామాలు ఉమా!

215)అనిమిషః -

సదా మేల్కొని ఉన్నట్టివాడు

దేవలక్షణము గలిగినవాడు

మత్స్యరూపము దాల్చినట్టివాడు

వేలుపుగా రెప్పవాల్చనివాడు!

శ్రీ విష్ణు సహస్రనామాలు ఉమా!

(సశేషం )