శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

236)సుప్రసాదః -

చక్కని అనుగ్రహమునిచ్చు వాడు

భక్తులనాదరించుచున్న వాడు

కోరింది అందించగలిగినవాడు

మనోభీష్టములను దీర్చువాడు 

శ్రీ విష్ణు సహస్రనామాలు!ఉమా!

237)ప్రసన్నాత్మా-

రాగద్వేషములు లేనివాడు

కలుషితభావన ఎరుగనివాడు

పరిశుద్ధ అంతఃకరణ గలవాడు

పంకిలమంటలేని పావనుడు

శ్రీ విష్ణు సహస్రనామాలు ఉమా!

238)విశ్వదృక్ -

విశ్వమును ధరించినవాడు

దృక్ పథమునందున్నట్టి వాడు

జగత్తును చూచుచున్నవాడు 

లోకదృష్టిని కలిగియున్నవాడు

శ్రీ విష్ణు సహస్ర నామాలు ఉమా!

239)విశ్వభుక్ -

విశ్వమును భక్షించునట్టివాడు

అంతయు జీర్ణించుకొనువాడు

లోకములు జిహ్వయందున్నవాడు

బాలకృష్ణయై భాసిల్లువాడు 

శ్రీ విష్ణు సహస్ర నామాలు ఉమా!

240)విభుః -

బ్రహ్మరూపమందున్న వాడు

విష్ణుస్థితిని చూపించువాడు

హరుడై లయించునట్టి వాడు

అన్ని మూర్తులు తానైనవాడు

శ్రీ విష్ణు సహస్రనామాలు ఉమా!

(సశేషం )