శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

326)ప్రతిష్టితః -

తనమహిమనిలిపిన వాడు

ప్రతిష్టింపబడినట్టి వాడు

నిర్మాణం చేయబడినవాడు

మూలమందు నిలిచినవాడు 

శ్రీ విష్ణు సహస్రనామాలు ఉమా!

327)స్కందః -

అమృతరూపము గలిగినవాడు

సుధలు స్రవించునట్టివాడు

అమృతోపమానమైనవాడు

స్కంద రూపంలో నున్నట్టివాడు 

శ్రీ విష్ణు సహస్రనామాలు ఉమా!

328)స్కంద ధరః -

ధర్మమార్గం చూపించువాడు

ధర్మమును ధరించిన వాడు

ధర్మమును నిలుపునట్టివాడు

స్కందధరుడని పేరున్నవాడు 

శ్రీ విష్ణు సహస్ర నామాలు ఉమా!

329)ధుర్యః -

సర్వజీవులను మోయుచున్నవాడు

ఉత్పత్తిభారము వహించువాడు 

బాధ్యతలన్ని తానైన వాడు

లోక భారమును మోయునట్టివాడు 

శ్రీ విష్ణు సహస్రనామాలు ఉమా!

330)వరదః -

వరములను ఒసగెడివాడు

భక్తులను బ్రోచునట్టివాడు

కష్టములో ఆదుకొనువాడు

వరదరాజస్వామి యైనవాడు

శ్రీ విష్ణు సహస్రనామాలు ఉమా!

(సశేషం )