శ్రీ విష్ణు సహస్రనామాలు - (బాల పంచపది )ఎం. వి. ఉమాదేవి

301)యుగావర్తః -

యుగములను తిప్పుచున్నవాడు

అంతయు ఆవరించినవాడు

యుగానుసరణ చేయువాడు

యుగములను సృజించుచున్నవాడు 

శ్రీ విష్ణు సహస్రనామాలు ఉమా!

302)నైకమాయః -

మాయాశక్తులు గలిగినవాడు

అనేకరూపాలు ధరించువాడు

మాయప్రదర్శనము చేయువాడు

భక్తులననుగ్రహించుచున్నవాడు 

శ్రీ విష్ణు సహస్రనామాలు ఉమా!

303)మహాశనః -

సర్వమును కబళిoచువాడు

అన్నిటిని భుజించువాడు 

మహాశనుడయినట్టి వాడు

సర్వo ఆహారముగా గలవాడు

శ్రీ విష్ణు సహస్ర నామాలు ఉమా!

304)అదృశ్యః -

దృశ్యము కానట్టి వాడు

కనిపించని విధమున్నవాడు 

అదృశ్యరూపంలోని వాడు

శూన్యరూపములోని వాడు 

శ్రీ విష్ణు సహస్రనామాలు ఉమా!

305)వ్యక్తరూపః -

భక్తుల హృదయంలో ఉన్నవాడు

అనేక రూపాలలోనున్నట్టివాడు

దృశ్యమానమైనట్టి వాడు

ఆకృతినిగల్గి యున్నవాడు 

శ్రీ విష్ణు సహస్రనామాలు ఉమా!

(సశేషం )