శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

256)వృషాహీః -

అనేక ధర్మదిన సాధకుడు

ధర్మము నడిపించగలవాడు

ధర్మపూరితుడైనట్టి వాడు

సామూహిక ధర్మ సాధకుడు 

శ్రీ విష్ణు సహస్రనామాలు!ఉమా!

257)వృషభః -

భక్తాభీష్టములు నెరవేర్చువాడు

వృషభాచలమునందున్నవాడు

ఓషధీ విశేషం వంటివాడు

కవివృషభునియందున్నవాడు 

శ్రీ విష్ణు సహస్రనామాలు ఉమా!

258)విష్ణుః -

సర్వత్రా వ్యాపించినవాడు 

ఆదిత్యుని సమానమైనవాడు

శతానంద రథమున్నవాడు

దారకుడు సారథియైనవాడు

శ్రీ విష్ణు సహస్ర నామాలు ఉమా!

259)వృషపర్వాః -

ధర్మసోపానాలు నిర్మించినవాడు

భక్తులను ధర్మముకు చేర్చువాడు

ధర్మమందు ప్రవేశపెట్టువాడు

తనసాయం ధర్మాత్ములకిచ్చువాడు 

శ్రీ విష్ణు సహస్ర నామాలు ఉమా!

260)వృషోదరః -

ధర్మమును ధరించినవాడు

ఉదరమందున నిలిపినట్టివాడు

ప్రజాధర్మము నిలబెట్టువాడు

ధర్మబద్ధులనుచేయునట్టివాడు

శ్రీ విష్ణు సహస్రనామాలు ఉమా!

(సశేషం )