శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

266)దుర్ధరః -

లోకములను ధరించినవాడు

ధరణికి ఉద్ధారకుడైనవాడు

మోయలేనిభారం మోయువాడు 

అతిసామర్ధ్యమున్నవాడు 

శ్రీ విష్ణు సహస్రనామాలు!ఉమా!

267)వాగ్మీ-

వేదజ్ఞానమునిచ్చుచున్నవాడు

జ్ఞానము వెలువరించువాడు

వాక్కును వెలిగించువాడు

సద్విషయములు తెలుపువాడు

శ్రీ విష్ణు సహస్రనామాలు ఉమా!

268)మహేంద్రః -

ఇంద్రునికే ప్రభువైనవాడు

దేవతలనాజ్ఞాపించగలవాడు

శిఖరసమానుడైనట్టివాడు

ఇంద్రులలో ఘనమైనవాడు 

శ్రీ విష్ణు సహస్ర నామాలు ఉమా!

269)వసుధః -

సకాలంలో బ్రోచునట్టివాడు

మహివలే వృద్ధినిచ్చెడివాడు

ఎన్నటికీ నిలిచియున్నవాడు 

నింగిని ఆకర్షించునట్టి వాడు 

శ్రీ విష్ణు సహస్ర నామాలు

270)వసుః -

తానిచ్చుధనము తానైనవాడు

అగ్నివలే పవిత్రుడైనవాడు

అష్టవసువులరూపమున్నవాడు 

గణదేవతలలో అధిపుడు 

శ్రీ విష్ణు సహస్రనామాలు ఉమా!

(సశేషం )