శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

276)ప్రకాశాత్మా-

తేజోమయ స్వరూపమున్నవాడు

కాంతివలయంలో నున్నట్టివాడు

ఆత్మను ప్రకాశింపజేయువాడు

దివ్యాత్మను కలిగియున్నవాడు 

శ్రీ విష్ణు సహస్రనామాలు!ఉమా!

277)ప్రతాపనః -

సూర్యరూపంలో వున్నవాడు

తపింపజేయునట్టివాడు

అగ్ని వేడిమి తానైనవాడు

భరించలేని తేజోవంతుడు 

శ్రీ విష్ణు సహస్రనామాలు ఉమా!

278)బుద్ధః -

 ధర్మముకు నిలయమైనవాడు

జ్ఞానం ప్రసాదించగలవాడు

వైరాగ్యమును కలిగించువాడు

సమస్థితిని ఇచ్చునట్టివాడు

శ్రీ విష్ణు సహస్ర నామాలు ఉమా!

279)స్పష్టాక్షరః -

ఓం నుండి ధ్వనించినవాడు

అక్షరముతో తెలియబడువాడు

దివ్యాక్షరము తానైనవాడు

ఓం తో సూచించబడినవాడు

శ్రీ విష్ణు సహస్ర నామాలు ఉమా!

280) -మంత్రః -

వేదమంత్రముల వంటివాడు

వేదముచే తెలియదగినవాడు

మంత్రము తానైనట్టి వాడు

స్మరించుకొనవలసిన వాడు 

శ్రీ విష్ణు సహస్రనామాలు ఉమా!

(సశేషం )