శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

271)నైకరూపః -

ఒకరూపం లేనట్టివాడు 

బహురూపిగా నుండేవాడు

అనేకవిధాల కనిపించువాడు

ఇట్టిరూపమని చెప్పలేనివాడు 

శ్రీ విష్ణు సహస్రనామాలు!ఉమా!

272)బృహుద్రూపః -

బ్రహ్మాండస్వరూపము గలవాడు

కొలువలేనట్టి స్వారూపుడు

విశ్వాంతరాళములు నిండినవాడు 

బృహుద్రూపములో నున్నవాడు 

శ్రీ విష్ణు సహస్రనామాలు ఉమా!

273)శిపివిష్టః -

సూర్యకిరణ తేజమున్నట్టివాడు

వేడి ప్రతాపము చూపించువాడు

రవి సమానుడైయున్నవాడు

కాంతిశక్తి తానైయున్న వాడు 

శ్రీ విష్ణు సహస్ర నామాలు ఉమా!

274)ప్రకాశనః -

అన్నిటిని వెలిగించువాడు

సర్వమును ప్రకాశింపజేయువాడు

కాంతిని ప్రసాదించుచున్నవాడు

తేజమున్నటువంటివాడు

శ్రీ విష్ణు సహస్ర నామాలు ఉమా!

275)ఓజస్తేజో ద్యుతిధరః -

ఓజస్సును కలిగియున్నవాడు

తేజోవంతము అయినవాడు

ద్యుతిని కలిగించువాడు

కీర్తిని ధరించియున్నవాడు

 శ్రీ విష్ణు సహస్రనామాలు ఉమా!

(సశేషం )